:: الســلام عليكــم ::

لا تستغــربون من عنــوان

هــذي الحقيقــه الــمره والله

شصـــاااير بالكويت ؟.؟.؟

لــيش إحنــا جذي ؟

ليــش العالــم قـــام ينظر لنــا جذي ؟

شوفــوا الدول الخليجيه والعربيه شتقــوؤوؤول عنــااااااا

والله العظيـــم ورب الكعبــه شي يحــز بالخــاطر والله

ليش الكويت صارت جذي ؟

والله العــظيم صرت أستحـــي أقول (كـويتـي) والسبــب الفكره اللي ماخذينهــا عنا الغييير !!!

لــــيش بناتنـا و شبابنا تغيروا .. وهم الأمــل للكويت

ليش الناس تغيرت ؟ ..

لييييييش الــحين صار ماكو ( حيــا ) !!!

ليش المســاجد صارت مهجوره .. ليش الحــرااام صار مرغـوب ..

ليــش الناس تغيرت .. ليش البشر صارت مصالحهم الشــخصيه وطمعهم فوق مصلحة ديرتهم

ليــش الشباب تغيروا .. ليش الفكر تغيرت عندهم

ليش الناس ماتطبــق ( شرع الله )

>> عجبا ً لبني آدم يحبون الله ويعصونه ويكرهون الشيطان ويطيعونه <<
؟ . . ؟

ليــش النــاس الحين ( مايعجبهــا العجب ولا الصيام برجب )

ليش الحين النصيحــه صارت مذمومه ومو مقبوله لهم ؟

ليــش النــاس تعصي الرحمن وتطلبــه الجنان ؟

ليش النااااااس تناقــض نفسهاااا ..

ليش صار .. الجذب , الغيبه , النميمه , الفتنه , الغش ... كل شي عاااااادي


ليش .. وليش .. ووووو إلــخ ........


شصــــاير يااااااااااربي بهــ الدنيا

وربي متضــايق حددي والله من هــ الأشيـــاء اللي تصير (( للكويت )) ولنــااا


ليش نوصل سمعــة كويتنــا بالحضيض ونخلي اللي يسوى واللي مايسوى يمسها بألف كلمــه وكأنـه شي عاااادي ومتعودين عليييه

مـع شديـد الأسـف .. قلـة مانجد بنات في الكويت تلبس العباية والحجاب .. ونشاهد اغلب البنات المتحجبات بدون عبي تجد بأن الحجاب اللي تلبسه اجمل من جمال شعرها بكثير وطبعا هالشئ يرجع للحجاب اللي نشوفه الوان واشكال و زخارف لدرجة انه يغري عين الناظر اكثر من الشعر والله العظيم !! ( فنصيحة لأي بنت تكون من هذا النوع الرخيص بعيون العاقلين ان تترك الحجاب لأنها سواء لبسته بهالطريقة لأنه من دون فائده ) !!

مـع شديـد الأسـف .. اصبح عندنا في الكويـت " مواطنين مسيحيين " و كويتيين مسيحيين والكويت هي اول من بادرت بتجنيس المسيح في دول الخليج مع شديد الأسف طبعا هذا غير الكنائس و المعابد النصرانيه !!

مـع شديـد الأسـف .. اعجر واخجل عن كتابة الأشياء الأخرى الكثيرة لأحفظ ماء وجه " بلـدي " !!

والله ماكتبت هـ الموضوع إلا من الغيره على ديرتي ومن الكلام و الأحداث اللي صارت تصير وكأنه ماحصــل أي شي !!!




( أطلــب من الله العلي القدير الهدايه لسائر البشر .. اللهم ثبتني على طاعتك وذكرك وشكرك وحسن عبادتك .. اللهم يامقلب القلوب ثبت قلبي على دينك )


* فـــائق حزنــي على مــاحل بنــا..

ليــش الشباب تغيروا .. ليش الفكر تغيرت عندهم

أنا شخصياً أشووووف أن العادات الغربية والأغاني والفيديو كليبات الغربية هي السبب ... هذا غير الأفلام .....!

آخ خ خ خ خ يالقهر .....







والله ماكتبت هـ الموضوع إلا من الغيره على ديرتي


والله يا أخي أهنيك على غيرتك ... وأنا معااااك بكل إللي قلته ....


لكن .. لا نقوووول إلا ما يرضي ربنا ....

الله يهديهم ..... وإن شاء يوعون ويحسون بخطوووورة الأمر قبل فوات الأوان :(:(










**** أشكرك ع الطرح الجريء ... وإللي ضيّـــــق خلقي والله :"(

وهذا شي حاسين فيه كلنـــا

بس لاحياة لمن تنادي

الله يهدي ابنائنا وبناتناااا

تســــلــــم أخــوي على الطــرح

،،،

شكرا اختي غبير علي مرورج و الله يسلمج

مشكووووووووور على الموضوع المميز والجريء

الصرااحه ماصار بديرتنا جذي إلا من الفضائيات والاعلام

والموضه والعادات الغربيه اهي اللي مأثره فيهم

بس الواحد شيقوول لااا حيااة لمن تنادي

الله يهدي الجميع انشالله

تقبل مروري

شكرا أختي على مرورج الطيب

الصراحة اخوي الله يعطيج الف عافية اهية الناس شذي ما نقدر نسويلها شى وان الله لغفر رحيم يهدي من يشاء من غير حساب

والله يعطيج الف عافية يا خوي على موضوعك الجرئ

شكرا أختي و الله يعطيج ألف عافية

لا حول ولا قوة الا بالله ,,

صج موضوع يضيق الخلق ,,بس مو بيدنااا شي ..

ميلاني للابد مو بس الكويت الي صاير فيهااا جذي حتى بدول الخليج الباقيه ,,والله فيهااا فسق اكثر من الكويت ,بس كل وااحد يغطي على الثاااني ,,بس هذولي الي يسووون الفسق والمنكر ماابحسون لين مالله يبليهم ,,والله لوتسمع سمعت الخليج فالدول الثانيه كان صدق يضيق خلقك ..

الي كان الكل يتكلم عن اخلاق وادب عياال الخليج ,,خليهاا على الله اذا بنتكلم عن هالموضوع ماابنخلص لين ميية سنه,,والله يصلح حالناااا انشالله ويهدي الجميع

يسلموووو ميلاني للابد ع الموضوع والسموحه لاني طولت

أخـــتــــــك @@الـــــــــــغـــــــــلا كــــــــــــلـــــــه@@

شكرا على المرور الوايد حلو و الله يهدي الجميع

شكرآ اخي على الموضوع الهام بس انا ما كويتي عماني واحب الكويت واغار عليها مثل بلدي عمان
شباب وبنات اليوم الله يهديهم لا حيات لمن تنادي الحين كل شي صار عادي حتى الحرام اعوذ بالله ..اذا كان رب البيت بدف ضاربآ فما شيمت الابناء الى الرقص

باباتي احمد ربك الكويت للحينها مافيها بارات وديسكوات
وزين انه حكومتنا نظيفة ماتسوي هالاشياء بالديرة
واذا عن الكنائس " فلا اكراه بالدين " يعني كل واحد
ومعتقداته بصير مسيحي كيفه الاسلام خله للانسان حرية الاعتقاد
واحنا احسن من غيرنا من دول الخليج اكوو دول بالطيارة فيها خمر
لكويت ولله الحمد مافيها هالسوالف بس ما انكر انه شبابنا صاعوا
وهالشي من الفضائيات واتمنى انه لكويت ترد مثل قبل واحسن بعد

ويسلمووو خيو عالموضوع وآسفة عالطوالة ،،،

جزاك الله خير اخوي عالموضوع القيم
واللي ذكرته موجود موبس في الكويت في كل الدول الخليجيه
نسال الله الهدايه للجميع
كتابتك للموضوع يدل على غيرتك على بنات بلدك خاصه ودول الخليج عامه
واذا بنتطرق للاسباب فاهم سبب هو ضعف الوازع الديني لا فضائيات ولا غيره

الله يعطيك العافيه على الطرح المميز والمفيد

صدقت والله اخي

الواحد منا يحزن لما يرى مثل تلك الامور تحصل في بلد الخير والعطاء ولاكن عسى الله ان يهدي

الجميع ويردهم اليه ردا جميلا ويصلح البلاد والعباد انه على ذالك قدير وبالاجابة جدير

واكرر لك اخي جزيل الشكر على غيرتك لله وفي الله

وتقبل فائق احترامي وتقديري

شكرا اخواتي على مروركم الطيب والله يعطيكم ألف عافية

مشكور اخواتي على هالردود الكثيره على هالموضوع المهم واسف على الغيبه الطويله

تسلم اخوي ميلاني عالطرح والصراحه الديره خربت

مشكووور اخووي ميلاني للابد على الموضووع الجرييء و يعطيك الف عافية

و الله انا فيه مجمعات ما قمت اطبها و السبه هذي السوالف

و انا بعد اغير على الكويت واااااااااااااااااااااايد

و انا شفت كنيسة هيج المرة في الكويت و الي بانيها كويتي بعد :(:(:(

يسلموووووووو